Израилдин Газага кол салуулары тыйыла элек
Геноцид саясатын жүргүзгөн Израилдин Газа тилкесинин түндүгүнө болгон катуу чабуулдары бир нече жумадан бери уланууда.
Израиль армиясынын 2023-жылдын 7-октябрынан бери Газа тилкесине кол салууларынан каза болгондордун саны 44 миң 429га жетти.
Палестинанын Саламаттыкты сактоо министрлигинин Газадагы билдирүүсүндө Израилдин Газа тилкесине 422 күндөн берки кол салуулары тууралуу маалымат берилди.
Израил армиясынын Газа тилкесинин ар кайсы жерлеринде акыркы 24 саатта жүргүзгөн «алты кыргынында» 47 киши каза болуп, 108 киши жараланды.
Израилдин 2023-жылдын 7-октябрынан бери Газа тилкесине кол салууларынан каза болгондордун саны 44 миң 429га, жаралуулардын саны 105 миң 250гө жеткени белгиленди.
Билдирүүдө урандылардын астында жана жол жээгинде дагы эле каза болгондордун бар экени, бирок израилдик күчтөрдүн тоскоолдугунан улам медициналык топтор жана жарандык коргонуу өкүлдөрүнүн сөөктөргө жете албаганы да кайталанды.
Израил Газа тилкесинин түштүгүндө жайгашкан Хан Юнуста жолдо бараткан унааны бомбалады.
Газага азык-түлүк жардамын көрсөткөн АКШда жайгашкан World Central Kitchen бейөкмөт уюмунда иштеген 3 киши арасында болгон 5 палестиналык каза болду. Уюм кол салуудан кийин Газадагы ишмердүүлүгүн токтотту.
Газа тилкесинде Израил тарабынан өлтүрүлгөн журналисттердин саны да 191ге жетти. Аль-Акса каналынын кабарчысы Мемдух Каните Газа шаарындагы кол салууда каза болду.
