Орусиядан Батышка азык-түлүк санкциялары

Орусия 2014-жылдан бери кээ бир Батыш өлкөлөрүнө киргизген азык-түлүк секторуна карата санкцияларды 2026-жылдын 31-декабрына чейин узартты.

Орус өкмөтүнүн жазуу түрүндөгү билдирүүсүндө, АКШ жана Европа Биримдигине (ЕБ) мүчө кээ бир өлкөлөрдүн санкцияларына жооп катары киргизилген санкциялардын 2026-жылдын 31-декабрына чейин узартылганы белгиленди.

Билдирүүдө санкцияланган өлкөлөргө Жаңы Зеландиянын да кошулгандыгы маалымдалды. 

Батыш өлкөлөрүнүн санкцияларынан улам Орусия 2014-жылдан бери АКШ, Евробиримдик жана кээ бир Батыш өлкөлөрүнүн айрым азык-түлүк продукцияларына санкцияларды киргизип келет.

Бул санкцияларга ылайык, Батыш өлкөлөрүнөн өзгөчө эт, сүт азыктарынын, жашылча-жемиштердин бир бөлүгүнүн импорту токтотулган.