Нетаньяху Газага кол салууда катуу турат

Израилдин премьер  -  министри Беньямин Нетаньяху Газада кол салууларды толугу менен токтото турган келишимди кабыл албай тургандыгын белгиледи.

Израилдеги Канал 14кө маек берген премьер  - министр Нетаньяху АКШ жана Франциянын ортомчулугунда Ливанда түзүлгөн ок атышпоого жана 2023 -  жыл  7 -  октябрдан бери кол салган Газада ыктымалдуу туткун алмашуу жана ок атпоо келишимине байланыштуу сөз кылды.

Газага карата кол салуулардын акырына чыгарылышын камтыган бир келишимди кабыл албай тургандыгын баса белгилеген Нетаньяху кол салууларды «убактылуу токто аларын» айтты.

«Туткундардын бошотулушун ойлогондо Газада ок атпоого даярмын»,- деген Нетаньяху Хамас менен туткундарды алмашуу келишиминин түзүлүшү үчүн шарттардын маанилүү өлчөмдө жакшыргандыгын айтты.

Ливандагы шарттардын Газадагыдан башка экендигин айткан Беньямин Нетаньяху Хамасты «жок кылууга» бирок Хизбуллахтын  кайрадан куралдануусуна бөгөт болууга аракет кылгандарын белгиледи.

Ливанда ок атышпоонун  «кыска мөөнөттүү болушу мүмкүн» экендигин айткан  Нетаньяху Израиль армиясына Хизбуллах ок атышпоону бузса, «күчтүү» кол салууга даярдануу буйругун бергендигин билдирди.

АКШдан өлкөсүнө карата курал өткөрүү темасына да токтолгон Израилдин премьер  - министри  АКШнын шайланган президенти Дональд Трамптын өзүнө кечигүүлөрдүн акырына чыгарын айтканын жарыялады.

Беньямин Нетаньяху : «Президент Трамп мага курал берүүдө эч бир кечигүү болбой тургандыгын айтты»,- деди.