Израилдин Ливанга кол салуулары уланып жатат

Израиль армиясынын Ливандын түштүгүндөгү Сур шаарынын ар кайсы жерлерине кол салууларында каза болгондордун саны 23кө жетти.

Ливандын Саламаттыкты сактоо министрлиги, Израиль армиясынын шаардын борбору Мареке, Бас, Базурие жана Айн-Баал аймактарына карай кол салууларына байланыштуу билдирүү жасады.

Билдирүүгө ылайык, 5 аймактагы кол салууларда 23 киши каза болуп, 47 киши жараланды.

Сур шаарынын борборуна кол салууда 1 киши каза болуп, 10 киши жаракат алды.

Бас жолундагы кол салууда болсо 7 киши каза болуп, 6 киши жараланды.

Кол салууда каза болгондордун өздүгүн аныктоо үчүн ДНК анализдери жүргүзүлө турганы айтылды.

Израилдин Айн Баал аймагына карай кол салуусунда да 2 киши каза болуп, 12 киши жараланды.

Мареке аймагына абадан кол салууда 9 киши каза болуп, 16 киши жаракат алды.

Ал эми Базуриедеги кол салууда 4 киши каза болуп, 3 киши жараланды.