Израиль армиясынын Газанын түрдүү жерлерине жасаган кол салууларында 12 палестиналык каза болду

 Израиль армиясынын Газа тилкесинин ар кайсы жерлерине жасаган кол салууларында 12 палестиналык каза болуп, көп сандаган палестиналык да жараланды.

Палестинанын расмий агенттиги WAFAнын кабарында Израиль армиясынын Газа тилкесиндеги чабуулдарын улантып жаткандыгы белгиленди.

Кабарда Израиль армиясынын Газа шаарынын чыгышындагы Туфах мааласында Эт - Жедбе үй-бүлөсүнө таандык бир үйгө жасаган бомбалуу кол салуусунда араларында аялдар жана балдар болгон 6 кишинин каза болгондугу жана көп сандаган кишинин жараланганы белгиленди.

WAFAнын кабарында Израиль армиясынын Аз-Зейтун районунун чыгышындагы Эль-Эбрар аймагындагы Кишко көчөсүнө артиллериялык аткылоо менен жасаган кол салуусунда 2 кишинин каза болгондугу жана көп сандаган кишинин жараланганы белгиленди.

Кабарда Израилдин аскердик учактарынын Газанын батышындагы Эш - Шати баш калкалоочулар лагеринде чогулган палестиналыктарды бомбалоосунун натыйжасында 3 кишинин каза болгондугу жана көп сандаган кишинин жараланганы маалымдалды.

Кабарда Израиль армиясынын учкучсуз учуучу аппараттарынын Газа тилкесинин борбордук бөлүгүндөгү Бурайж качкындар лагеринин түндүгүн бомбалоосунун натыйжасында бир кишинин каза болгондугу, тез жардам топторунун сөөккө жете албаганы белгиленди.