Газада каза болгондордун саны 44 миң 211ге жетти

Израиль армиясынын 2023-жылдын 7-октябрынан бери кол салууларын уланткан Газа тилкесинде каза болгондордун саны 44 миң 211ге жетти.

Газадагы Саламаттык сактоо министрлигинин жасаган билдирүүсүндө Израилдин Газа тилкесинде 415 күндөн берки кол салуулары тууралуу маалымат берилди.

Израиль армиясынын акыркы 24 саатта Газа тилкесинин ар кайсы жерлериндеги кыргындарында 35 кишинин каза болгону, 94 кишинин жараланганы белгиленди.

Израилдин 2023-жылдын 7-октябрынан берки Газа тилкесине кол салууларында каза болгондордун саны 44 миң 211ге, жаралуулардын саны 104 миң 567ге жеткени белгиленди.