Газада каза болгондордун саны 44 миң 176га жогорулады

Израиль кол салууларын уланткан Газа тилкесинде каза болгондордун саны 44 миң 176га жетти.

Израилдин Газа тилкесинде жасаган кол салуулары 414-күндөн бери уланууда.

Палестинанын саламаттыкты сактоо министрлигинен берилген маалыматта Израиль күчтөрү тарабынан акыркы 48 саатта жасалган 7 кол салууда 120 палестиналыктын каза болгону, 205 палестиналыктын жараланганы билдирилди.

Израиль кол салуусун баштаган 2023-жылдын 7-октябрынан бери жалпы каза болгондордун саны 44 миң 176га, жаралуулардын саны 104 миң 473кө жеткени билдирилди.