ДССУ М чечеги вирусуна каршы "lc16m8 вакцинасын" бекитти

Дүйнөлүк Саламаттыкты Сактоо Уюму (ВОЗ) M чечек (mpox) вирусуна каршы шашылыш колдонуу үчүн Японияда KM Biologics тарабынан иштелип чыккан жана чыгарылган "LC16m8 вакцинасын" бекиткендигин жарыялады.

ДССУнун башкы директору Тедрос Адханом Гебрейесус чечим тууралуу X баракчасынан билдирди.

Гебрейесус Дүйнөлүк Саламаттыкты Сактоо Уюмунун M чечек вирусуна каршы "LC16m8 вакцинасын" шашылыш колдонуу тизмесине кошкондугун белгилеп, мунун эпидемия аймактарында 1 жаштан жогорку балдар үчүн катталган биринчи вакцина экенин белгиледи.

"Бул М чечеги вирусу жайылууну улантып өзгөчө балдар менен бирге  аялуу катмарларды коргоо үчүн  маанилүү кадам",- деген  Гебрейесус  акыркы эки айда эпидемиянын борбору болгон Конго Демократиялык Республикасындагы M чечеги  бейтаптарынын жарымынын  12 жашка чейинки балдар экенин эске салды.

Гебрейесус  : "Быйыл M чечеги  бейтаптарынын жалпы саны   40 миңден ашты жана 1200 адамдын каза болгону билдирилди. Бурунди менен Угандадагы эпидемия да жайылып баратат. 22 - ноябрь жума күнү  эпидемиологиялык абалды жана жүргүзүлүп жаткан кийлигишүүнү  изилдөө үчүн М чечги боюнча өзгөчө кырдаалдар комитетин кайра чакырам",- деди. 

Дүйнөлүк Саламаттыкты Сактоо уюму 13 - сентябрда М чечеги вирусуна каршы алдын ала квалификациядан өткөн биринчи вакцинанын  Bavarian Nordic тарабынан чыгарылган "MVA-BN" экенин жарыялады.

M чечеги вирусу 14 - августта Дүйнөлүк Саламаттыкты Сактоо Уюму тарабынан "эл аралык мааниге ээ элдик саламаттыкты сактоо  боюнча өзгөчө кырдаал" деп жарыяланган.