Зеленский : "Ак үйдү башкара турган жаңы комнаданын саясаттары менен согуш ылдам бүтөт"

Украинанын президенти Владимир Зеленский  АКШнын шайланган президенти Дональд Трамп жана командасынын Россия  -  Украина согушун  ылдам акырына чыгара аларын айтты.

Зеленский Украинанын коомдук телерадиокомпаниясы Suspilne Ukraineга берген маегинде Украина - АКШ карым  - катнаштарына баа берди.
Россия  -  Украина согушунун акырына чыгышына байланыштуу методдорду карап чыгуу үчүн буга чейин Трамп менен сүйлөшкөнүн  эске салган Зеленский : "Ал (Трамп)  биз таянган негиз тууралуу укту. Мен андан биздин позициябызга каршы эч нерсе уккан жокмун",- деди. 

Согуштун адилеттүү аякташынын Украина үчүн маанилүү экенин белгилеген Зеленский, Трамп жана командасынын мамилеси менен согуштун дагы тез бүтүшү мүмкүн деген баа берди.

Зеленский буларды айтты : "Согуш бүтөт, бирок белгилүү бир күнү жок. Согуш Ак үйдү башкара турган жаңы команданын саясаты менен тезирээк бүтөт. Бул алардын мамилеси, коомго берген убадасы жана  алар үчүн  абдан маанилүү".