Израилдин Газага кол салуулары...

Израиль армиясынын Газа тилкесинин түндүгүндөгү бир үйдү бомбалоосунун натыйжасында 15и бала болгон 36 киши каза болуп, көп сандаган киши жараланды.

Күбөлөрдөн алынган маалыматка караганда Израиль армиясынын согуштук учактары Жибалия эл-Балед аймагында жер которгон жарандар баш калкалаган Аллуш үй-бүлөсүнө таандык үйдү бомбалады.

Күбөлөр кол салууда 15и бала болгон 36 кишинин каза болгонун, көп сандаган кишинин жараланганын жана көп сандаган кишинин урап түшкөн үйдүн урандыларынын астында калганын айтышты.

Жарандык коргонуу топторунун урандылардын астында калган палестиналыктарды куткаруу үчүн чектелген мүмкүнчүлүктөр менен издөө-куткаруу иштерин жүргүзгөндүгү белгиленди.

Бир тараптан Израиль армиясынын 2023-жылдын 7-октябрынан берки Газа тилкесине кол салууларынан каза болгон журналисттердин саны 188ге жетти.

Өкмөттүн Газадагы басма сөз кеңсесинин жазуу түрүндөгү билдирүүсүндө, Израилдин кол салууларынын натыйжасында журналисттер Зехра Мухаммед Эбу Сүхейл, Ахмед Мухаммед Эбу Сүхейл, Мустафа Хидр Бахр жана Абдуррахман Хидр Бахрдын каза болгондугу белгиленди.

Билдирүүдө Мустафа Бахрдын 31-мартта, Абдуррахман Бахрдын 6-октябрда өлтүрүлгөнү белгиленип, каза болгондордун эмне үчүн убагында билдирилбегени тууралуу маалымат берилген жок.

Израиль армиясынын 2023-жылдын 7-октябрынан бери Газа тилкесине кол салууларынан каза болгондордун саны 43 миң 603кө жетти.

Палестинанын Саламаттыкты сактоо министрлигинин Газадагы билдирүүсүндө Израилдин Газа тилкесине 401 күндөн берки кол салуулары тууралуу маалымат берилди.

Израиль армиясынын Газа тилкесинин ар кайсы аймактарында акыркы 24 саатта жүргүзгөн «3 кыргынында» 51 кишинин каза болгону, 164 кишинин жараланганы белгиленди.

Израилдин 2023-жылдын 7-октябрынан бери Газа тилкесине кол салууларынан каза болгондордун саны 43 миң 603кө, жаралуулардын саны 102 миң 929га жеткени белгиленди.

Билдирүүдө урандылардын астында жана жол жээгинде дагы эле каза болгондордун бар экени, бирок израилдик күчтөрдүн тоскоолдугунан улам медициналык топтор жана жарандык коргонуу өкүлдөрүнүн сөөктөргө жете албаганы да кайталанды.