Зеленский Запорожье шаарына ракеталык чабуул жасалганын билдирди

Орус армиясынын Украинанын Запорожье шаарына ракеталык кол салуусунда 4 киши каза болуп, 33 киши жараланды.

Украинанын президенти Владимир Зеленский X эсебинен берген  билдирүүсүндө орус армиясынын Украинанын Запорожье шаарына ракеталык чабуул жасаганын айтты.

Зеленский кол салууда жарандар  жашаган үйлөрдүн бутага алынганын белгилеп : "Онкология ооруканасынын имараты жабыркады. Издөө - куткаруу топтору уранды астында калган  адамдарды издеп жатышат",- деди.

Зеленский мындай кол салуулардын Россия   менен сүйлөшүү мүмкүнчүлүгүн "жок кылгандыгын" айтты. 

Россиянын кол салууларын алдын алуу зарылдыгын баса белгилеген Зеленский, бул үчүн Украинанын алыска атуучу курал менен чабуул жасоо мүмкүнчүлүгүн арттыруу керектигин белгиледи.

Украинанын өзгөчө кырдаалдар кызматынын билдирүүсүндө орус армиясынын Запорожье шаарына ракеталык кол салуусунда 4 кишинин каза болгону,  33 кишинин анын ичинен 2 баланын жаралангандыгы билдирилди.