Гаитиде быйылкы окуяларда 3 миң 900 киши каза болду
БУУнун Миграция боюнча Эл аралык уюму X социалдык медиа платформасында Гаитидеги абал тууралуу билдирүү бөлүштү.
Гаитиде быйыл 3900 адам зордук-зомбулуктан каза тапты.
Бириккен Улуттар Уюмунун (БУУ) Гаитидеги Интегралдык кеңсесинин маалыматына ылайык, 2024-жылдын башынан бери куралдуу топтордун кол салууларынан 3900 адам каза болду. Бул өлүмдөрдүн 1374ү акыркы алты айда катталды.
БУУнун Миграция боюнча Эл аралык уюму да X социалдык медиа платформасында Гаитидеги абал тууралуу билдирүү бөлүштү.
Билдирүүдө: "Гаитиде 700 миңден ашуун киши жер которду. Бул адамдардын көбү зомбулуктун күчөшүнөн улам үйлөрүн таштап кетүүгө аргасыз болушту» деп айтылып, өлкөдөгү ар бир адамдын коопсуз жана татыктуу жашоосу үчүн тилектештик чакырыгы салынды.
Гаити көптөгөн жылдар бою саясий, экономикалык жана коопсуздук көйгөйлөрү менен күрөшүп келет. 11 миллиондон ашык калкы бар өлкөдө ачарчылык коркунучу да күч алууда.
Борбор шаар Порт-о-Пренстин болжол менен 80 пайызы куралдуу топтордун көзөмөлүндө болгон Гаитиде зомбулук окуялары күн санап өсүүдө.
