Азербайжан менен Иран биргелешкен машыгуу өткөрдү

Азербайжан менен Ирандын Деңиз күчтөрү Каспий деңизинде биргелешкен машыгуу өткөрүштү.

Азербайжандын Коргоо министрлигинин билдирүүсүндө, эки өлкөнүн башкы штаб башчыларынын ортосунда кол коюлган протоколдун алкагында Азербайжан жана Ирандын аскердик кемелеринин катышуусунда Каспий деңизинде биргелешкен машыгуу өткөрүлгөнү белгиленди.

Билдирүүдө Азербайжанга таандык 2 кеме жана 100 аскер кызматкери катышкан AZIREX-2024 машыгуусунда кеме кырсыктарында куткаруу жана медициналык жардам көрсөтүү, издөө-куткаруу иштери жана кеме коопсуздугун камсыз кылуу сыяктуу милдеттердин аткарылганы кабарланды. 

Азербайжан менен Ирандын аскердик кызматташтыгын бекемдөө максатында өткөрүлгөн машыгууда бардык тапшырмалардын ийгиликтүү ишке ашырылганы маалымдалды.