Аббас - Абу Гайт жолугушуусу

Палестинанын мамлекет башчысы Махмуд Аббас Араб лигасынын баш катчысы Ахмед Абу Гайт менен Палестина маселесиндеги абалдар жана Газада ок атышпоо аракеттерин талкуулады.

Палестинанын кабар агенттиги WAFAнын маалыматына караганда, 12-Дүйнөлүк шаар форумуна катышуу үчүн президент Абдель Фаттах ас-Сисинин чакыруусу менен Египетке барган Аббас борбор шаар Каирде Абу Гайт менен жолугушту.

Аббас жолугушууда Абу Гайтка, Палестина маселесиндеги абалдар, Палестина элине каршы геноцид жана Газадагы согушту токтотуу аракеттери тууралуу маалымат берди.

Ошондой эле 11-ноябрда Сауд Арабиянын борбор шаары Эр-Риядда өткөрүлүшү пландалган кезексиз биргелешкен Араб-Ислам саммитинен күтүүлөрүн да билдирди.