Израилдин Газа тилкесиндеги кол салуулары...
Палестинанын расмий кабар агенттиги WAFAнын маалыматы.
Израилдин түнү бою Газа тилкесинин ар кайсы жерлерине кол салууларынан 17 палестиналык каза болуп, көп сандаган киши да жараланды.
Палестинанын расмий WAFA агенттигинин кабарына караганда, Израиль армиясы Газа тилкесинин түндүгүндөгү Жибалия жана Бейт Лахия шаарларында үч үйдү бомбалады.
Эки кол салууда тең 14 киши каза болуп, көп сандаган киши жараланды.
Израилдин Жибалия качкындар лагеринин Незле аймагындагы кол салуусунда эки киши каза болду. Кол салууда көп кишинин жараланганы белгиленди.
Израиль армиясынын түштүктөгү Рефах шаарына учкучсуз учуучу аппарат менен кол салуусунан 1 палестиналык каза болуп, 2 киши жараланды.
Израиль армиясынын Газа тилкесинин борбордук жана түндүк аймактарына кол салууларынан бири бала болгон 8 киши каза болуп, бир нече киши жараланды.
Палестинанын расмий кабар агенттиги WAFAнын маалыматына караганда, Израиль армиясы Газа тилкесинин борбордук бөлүгүндөгү Дейр ал-Белах шаарындагы Бурейж качкындар лагеринин кире беришинде бир топ палестиналыкты учкучсуз учуучу аппарат менен бутага алды.
Кол салууда бири бала болгон 6 киши каза болуп, бир нече киши жараланды.
Каза болгондор жана жаракат алгандар Акса шейиттери ооруканасына жеткирилди.
Израиль армиясынын Газа тилкесинин түндүгүндөгү Жибалияга «Quadcopter» үлгүсүндөгү дрон менен кол салуусунан 2 киши каза болуп, бир нече киши жаракат алды.
