Британиялык журналисттер Би-Би-Сини Газа боюнча бейтараптуулукка чакырды

Улуу Британияда 237 басма сөз кызматкери, анын ичинде Би-Би-Синин 101 кызматкери Би-Би-Синин башкы директору Тим Дэвиге жазган катында Газа тууралуу кабарларда калыс болууга чакырды.

Independent гезитиндеги кабарга караганда 237 басма сөз өкүлү Давиге кат жазып, Газа тууралуу кабарда Израилди колдогон мамилени сынга алды.

Би-Би-Сиге Газадагы кабарларга бейтарап жана коркпостон кайрылууга чакырган кол коюучулар Би-Би-Сини кээ бир аймактарда кадам таштоого чакырып, Израилдин чет элдик журналисттерди Газага киргизбей жатканын эскертти.

Аткарыла турган кадамдардын арасында Израилдин дооматтарын далилдей турган жетиштүү далилдер жок экенин ачык айтуу, Израилдин күнөөлүү болгон жерлерин баш макалаларда ачык айтуу, Газа тууралуу кабарларга 2023-жылдын октябрынан мурунку мезгилди кошуу жана Израилдин саясий жана аскер башчыларына интервьюларда татаал суроолорду берүү да эсепке алынган.

Кол койгондор өз билдирүүлөрүн түздөн-түз Би-Би-Сиге жөнөтүшкөнү менен, ITV жана Sky сыяктуу ири британиялык телерадиокомпанияларга да кайрылышкан.

Кол койгондордун 72си аты-жөнүн жарыялоону суранса, 237 басма сөз өкүлүнүн арасында Би-Би-Синин 101 кызматкери да бар.

Би-Би-Синин катка байланыштуу билдирүүсүндө, Газа мазмунунун поляризациялык аспектиден улам кабарлоо эң кыйын темалардын арасында экени белгиленди.

Билдирүүдө журналисттик стандарттардын эң жогорку деңгээлде колдонулганы жана кабарлардын колдонулган сөздөрдөн текшерүүгө чейин көптөгөн фильтрлерден өткөнү белгиленди.

Билдирүүдө Би-Би-Си дүйнөгө бир эле көз карашты чагылдырбаганы, Израилди колдогон жана ага каршы болгон даттануулар дээрлик бирдей болгондугу айтылган.