Израилдин Ливанга карата кол салуулары

Израиль армиясынын Ливандын чыгышындагы Баалбек шаарына акыркы 24 саатта жасаган кол салууларында 52 киши каза болду.

Ливандын Саламаттыкты сактоо министрлигинен берилген билдирүүдө Израиль армиясынын Баалбек шаарын бутага алган кол салуулары тууралуу маалымат берилди.

Израилдин кол салууларында Баалбекте 52 киши каза болуп, 72 кишинин жаралангандыгы кабарланды.

2023 - жылдын 8 - октябрынан бери Хизбуллах менен  кагылышууларды уланткан Израиль армиясы 23 - сентябрда Ливандын түштүк шаарлары менен Бекаа жана Баалбек аймактарына  абадан жүздөгөн кол салуу жасады.

Ливандын Саламаттыкты сактоо министрлигинин маалыматына караганда, 2023 - жылдын 8 - октябрынан бери жалпысынан 2897 адам, анын ичинде 104 бала жана 194 аял каза болуп, 13150 адам жаракат алган.

Израилдин бомбалоосунан улам Ливанда жүз миңдеген адамдын жер которгондугу болжолдонууда.

Өлкөнүн түштүк аймактарынан борбор шаар Бейрут жана түндүккө карай миграция толкуну уланып, Ливан өкмөтү жер которгон 518 миңден ашуун кишинин Сирияга көчүп кеткендигин жарыялады.