АКШ Орусияга каршы жаңы санкцияларды жарыялайт
Жанет Йеллен Эл аралык Валюта Фонду (IMF) жана Дүйнөлүк Банктын жылдык жыйындарынын алкагында өткөргөн маалымат жыйынында билдирүү жасады.
АКШнын каржы министри Жанет Йеллен Орусияга каршы жаңы санкцияларды келерки аптада жарыялай тургандарын билдирди.
Жанет Йеллен Эл аралык Валюта Фонду (IMF) жана Дүйнөлүк Банктын жылдык жыйындарынын алкагында өткөргөн маалымат жыйынында билдирүү жасады.
Орусиянын санкциялардан качуусуна карата чараларды көрүүнү уланткандарын белгилеген Йеллен, алдыдагы бир жуманын ичинде Орусияга аскердик жактан критикалык салым кошкон үчүнчү өлкөлөрдөгү ортомчулар менен катар Москва башкаруучулугун бутага алган «күчтүү жаңы санкцияларды» жарыялай тургандарын айтты.
Йеллен АКШнын Жакынкы Чыгыштагы кагылышууларга жооп катары да колундагы бардык куралдарды колдонгонун, Ирандын 1-октябрдагы Израилге кол салуусуна жооп иретинде Иранга кысымды күчөтүү үчүн кошумча кадамдарды таштагандарын жана бул өлкөнүн энергетика тармагынан түшкөн кирешелерин бутага алуу үчүн санкцияларды кеңейткендерин эске салды.
Аймакта ырааттуулукту арттыруу үчүн колдон келгендин баарын кылууга көңүл бурушкандарын маалымдаган Йеллен, Газага жардамдын агымын камсыз кылуу үчүн аракет кылгандарын, экстремисттик израилдик отурукташкандарга каршы санкцияларды киргизип, Палестина банктары үчүн өтө маанилүү болгон банк мамилелерин сактап калуу үчүн Израилге кысым көрсөтүп жатышканын түшүндүрдү.
