Израилдин аба күчтөрү Дамаскка чабуул коюшту
Сириянын САНА агенттигинин кабарында,«Биздин абадан коргонуу системалары бүгүн түнү үчүнчү жолу душмандык буталарга каршы турду»,деген билдирүүлөр камтылган.
Израилдин аба күчтөрүнүн түн ичинде борбор шаар Дамаскка соккусунан көп сандаган кишинин каза болгондугу билдирилди.
Сириянын САНА агенттигинин кабарында,«Биздин абадан коргонуу системалары бүгүн түнү үчүнчү жолу душмандык буталарга каршы турду»,деген билдирүүлөр камтылган.
SANA агенттигинин аскердик булакка таянган башка бир кабарында Израилдин борбор калаадагы кол салууларды жергиликтүү убакыт боюнча саат 02.05те согуштук учактар жана учкучсуз учуучу аппараттар менен жасаганы айтылды.
Кабарда : «Абадан коргонуу системалары ракета жана учкучсуз учуучу аппараттарга туруштук берип, көбүн атып түшүрдү, кол салууда 3 жаран каза болуп, 9 жаран жараланды, материалдык чыгым болду»,-деп айтылды.
Бир тараптан режим медиасы кол салуудан Сириянын мамлекеттик телеберүүсүндө иштеген алып баруучу Сафа Ахмеддин каза болгонун жарыялады.
Дамаск FM каналындагы кабарда Меззедеги кол салуудан улам өрт чыкканы белгиленди.
Израиль тарабынан кол салууга байланыштуу эч кандай билдирүү жасалган жок.
Ирандын Дамасктагы элчилиги Израиль тарабынан бутага алынганы айтылган Меззе аймагында жайгашкан. Израиль Дамасктагы Иран консулдугунун имаратына 1-апрелде да абадан кол салган. Кол салууда 2си генерал болгон Ирандын Төңкөрүш сакчылары армиясынын 7 ирандык жооптуусу каза болгон. Белгилүү болгондой, Дамаск жана анын айыл аймактарында Ливан Хизбулласынын элементтери, ошондой эле Сирия армиясы жана Иран колдогон террордук топтор бар.
Израиль Сириядагы жарандык согуш башталган 2011-жылдан бери Иран колдогон топторго жана Сирия армиясына таандык аскердик пункттарга маал-маалы менен кол салууларды жасап келет.
