АКШ Жакынкы Чыгышка кошумча согуштук учак жана аскер жөнөтүүдө

Америка Кошмо Штаттарынын (АКШ) Коргоо министрлиги (Пентагон) "агрессияны токтотуу жана кеңири аймактык согуштун коркунучун азайтуу үчүн" Жакынкы Чыгыштагы азыркы күчтөрүнө согуштук учактарды жана кошумча аскерлерди жөнөтө турганын жарыялады.

Пентагондун басма сөз катчысынын орун басары Сабрина Сингх күнүмдүк маалымат жыйынында: «Коргоо министрлиги аймактагы агрессияны токтотуу жана кеңири аймактык согуштун коркунучун азайтуу үчүн Жакынкы Чыгыштагы АКШ күчтөрүн дагы да бекемдөө максатында чараларды көрүп жатат»,-деди.

Сингх ошондой эле Пентагондун ар кандай ыктымалдуулуктарга жооп кайтаруу даярдыктарын күчөтүү үчүн америкалык аскер бөлүктөрүн аймакка жайгаштырууга карата даярдык деңгээлинин жогорулатылганын маалымдады.