Суданда холерадан каза болгондордун саны 348ге жетти

Суданда   холера эпидемиясынан каза болгондордун саны  348ге жетти.

Саламаттыкты сактоо министрлигинен берилген маалыматта холера эпидемиясынын  9 аймакка жайылганы жана жалпы оорулуу саны  11 миң  79га жеткендиги айтылды. Билдирүүдө холердан улам каза болгондордун санынын 348ге чыккандыгы билдирилди. 5 аймакта да сары безгек оорусунун да бар экендиги белгиленип, 2 кишинин каза болгондугу маалымдалды.

Өлкөдө июнь айынан бери катуу жаап жаткан жамгыр жана селдер холеранын жайылышына жол ачты. Жетекчилер холераны 12 -  августта эпидемия деп жарыялады. Согуш уланып жаткан Суданда саламаттыкты сактоо системасы иштебеген бул мезгилде эпидемия ооруларынын жайылышы адамдардын турмушун дагы да кыйындатууда.