Израилге каршы демонстрациялар уланууда
Он миңдеген адамдар кайрадан аянттарды толтуруп, Нетаньяху өкмөтүнүн кызматтан кетишин жана туткундарды алмашуу келишимин түзүүнү талап кылышты.
Израилде премьер-министр Беньямин Нетаньяхуга каршы демонстрациялар уланууда.
Он миңдеген адамдар кайрадан аянттарды толтуруп, Нетаньяху өкмөтүнүн кызматтан кетишин жана туткундарды алмашуу келишимин түзүүнү талап кылышты.
Нетаньяху жана анын кабинетиндеги саясатчыларга каршы көптөгөн шаарда, өзгөчө борбор Тель-Авивде баннерлер, плакаттар жана девиздер ташылды.
Демонстранттарга атчан полиция катуу кийлигишип, айрым демонстранттар камакка алынды.
Америка Кошмо Штаттарында (АКШ) Израилдин Газадагы геноцидинин кыргынына нааразылык билдирилди.
Бул жолу АКШда бир нече айдан бери уланып жаткан нааразылык акцияларынын дареги геноциддик Израилдин Вашингтондогу элчилигинин алдында болду. Демонстранттар ок атышууну тез арада токтотууну талап кылышты.
Митингчилер басып алынган Батыш Шериада шейит болгон Айшенур Эзги Эйгини унуткан жок жана Эйгинин фотосүрөттөрүн көтөрүп чыгышты.
Швециянын борбору Стокгольмдо да Палестина менен тилектештик демонстрациясы өттү.
«Газада балдар өлтүрүлүүдө» деген баннерлерди көтөргөн демонстранттар геноциддик Израилден согуш кылмыштарын токтотууну талап кылышты.
Израилдин палестиналыктарга кол салууларына көңүл буруу үчүн 100гө жакын активист 5 чакырымдык марафонго чуркашты.
Грециянын Батыш Фракия аймагында Газада кыргынга учураган палестиналыктар үчүн Курани Карим окулуп, дуба кылынды.
Жүздөгөн адамдар Искеченин көчөлөрүн толтуруп, колдорунда транспаранттар менен жүрүшкө чыгышты.
Демонстранттар «Палестинага эркиндик», «Израилге наалат» деген ураандар менен чыгышты.
