Израилдин кол саллуарныда жалпы каза болгондордун саны 41 миң 182ге жетти

Израиль армиясынын Газа тилкесине жасаган кол салууларында акыркы  10 күндө  321 киши каза болуп, 882  киши жараланды. 

Палестинанын Газадагы саламаттыкты сактоо министрлигинин  билдирүүсүндө Израилдин Газа тилкесине 344 күндөн бери уланып жаткан кол салуулары тууралуу маалымат берилди.

Израиль армиясынын акыркы 48 саатта Газанын ар кайсы жерлерине жасаган кол салууларында 64 кишинин каза болгону, 155 кишинин жараланганы белгиленди.

Буга ылайык Израиль армиясынын акыркы 10 күндө Газага жасаган кол салууларында 321 киши каза болуп, 882 киши жараланды.

Израилдин 2023 - жылдын 7 - октябрынан бери Газа тилкесине жасаган кол салууларында каза болгондордун саны 41 миң 182ге, жаралуулардын саны 95 миң 280ге жетти.

Уранды астында миңдеген сөөктүн бар экендиги билдирилип, калк баш калкалаган оорукана жана мектептер бутага алынып жарандык инфраструктура да талкаланууда.