Хамас: "Байдендин планы боюнча ок атышпоого даярбыз"

Хамас кыймылы, Америка Кошмо Штаттарынын (АКШ) президенти Жо Байдендин 31-майда жарыялаган долбоорго ылайык ок ​​атышууну токтотууга даяр экенин билдирип, жаңы шарттарды четке какканын кабарлады.

Хамастын жазуу түрүндөгү билдирүүсүндө, Халил аль-Хайе жетектеген Хамас делегациясы, Катардын премьер-министри жана тышкы иштер министри шейх Мухаммед бин Абдуррахман Аль Тани, ошондой эле Египеттин чалгындоо кызматынын башчысы Аббас Камил менен Катардын борбор шаары Дохада жолугушканы маалымдалды.

Хамас «АКШнын президенти Жо Байдендин 31-майдагы билдирүүсү, Коопсуздук кеңешинин 2735-резолюциясы жана 2-июлдагы келишимдер менен бирге макулдашылган ок атышпоо келишимин тез арада ишке ашырууга даяр экенин» кабарлады.

Байден жарыялаган ок атышпоо планына тараптардын «жаңы шарт киргизүүсү» четке кагылып, ортомчулардын Газада ок атышпоо, туткун алмашуу жана Израиль армиясынын аймактан чегинүүсү темасындагы аракеттери макталды.  

АКШнын президенти Жо Байден 31-майда Израилдин үч этаптан турган жаңы ок атышпоо сунушун сунуштаганын жарыялаган.

Израилдин премьер-министри Биньямин Нетаньяху болсо АКШнын президенти Байден жарыялаган ок атышпоо долбоорунун Израиль тарабынан даярдалган сунуштан башкача экенин айтып, жаңы шарттардын кошулушун талап кылган.

Нетаньяху Газаны экиге бөлгөн Нетзарим коридору жана Газа тилкеси менен Египет чек арасындагы Филадельфи коридору ошондой эле Рафах чек ара бекетиндеги Израиль басып алуусунун уланышын каалаган.