Швециянын жаңы тышкы иштер министри кызматташтыкты өнүктүрүүгө ынтызар

Швециянын тышкы иштер министри Мария Малмер Стенергард, Түркия менен кызматташтыкты бекемдөөнү чыдамсыздык менен күтүп жатканын айтты.

4-сентябрда кызматтан кеткен Тобиас Биллстремдун ордуна кечээ тышкы иштер министри болуп дайындалган Стенергард Анадолу агенттигине билдирүү жасады.

Стенергард: «Түркия менен тыгыз кызматташтыкты улантам, өзгөчө НАТОдогу өнөктөшүбүз катары бул кызматташтыкты өнүктүрүүнү чыдамсыздык менен күтөм»,-деди.

Швециянын Палестина жана Израиль саясатынын тынчтыкка багытталганын билдирген Стенергард: «Биринчи кезекте аймактагы куралдардын үнүн басуу жана эки мамлекеттүү чечимдин алкагында тынчтык орнотулушу керек»,-деди.

Украинага толук колдоо көрсөтүүнү уланта тургандарын баса белгилеген Стенергард: «Украина доосу биздин да дообуз. Украина кыска убакытта Европа Биримдигине мүчө болушу керек жана Украинага колдообуз уланат»,-деди.

Швециянын мамлекеттик телеканалы SVT тышкы иштер министри Стенергарддын чет өлкөгө алгачкы сапарын 18-сентябрда Түркияга жасай турганын жарыялады.