Соода министри Өмер Болат Пакистандын коргоо күнүнө" карата кабыл алууга катышты

Соода министри Өмер Болат Түркия жана Пакистан элдеринин туруктуулук, ылдам өнүгүү жана экономикалык ийгилик жолунда алдыга жылып бара жаткандыгын айтты.

Соода министри Өмер Болат Пакистандын Анкарадагы элчилиги тарабынан "Пакистандын коргоо күнүнөн" улам уюштурулган кабыл алууга  катышты. 

Болат : "Узун мөөнөттүү күчтүү жана жакын карым  - катнаштарыбыз абдан күчтүү түрдө улантылууда. Экономика, социалдык, маданият жана коргонуу тармактарында тыгыз кызматташтыгыбыз жана күчтүү карым-катнашыбыз бар»,-деди.

Болат президент Режеп Таййип Эрдоган менен Пакистандын премьер  - министри Шахбаз Шерифтин эки дос өлкөнүн кызматташуусун бекемдөө жана карым  - катнаштарды өнүктүрүү үчүн аракет кылып жаткандарын айтты. 

Болат бир ай мурда жетекчилерден жана түрк ишкерлеринен турган бир делегация менен Исламабад жана Карачиге баргандыгын, ал жерде жолугушууларды өткөргөндүгүн айтты. 

Болат Пакистандагы жолугушууларында эки тараптуу карым - катнаштарды экономика жана соода тармагында жакшыртуу үчүн абдан маанилүү чечимдерди кабыл алышкандарын эске салып, президент Эрдогандын жакын арада Пакистанга барышы мүмкүн экендигин белгиледи.

Түркия  -  Пакистан экономикалык карым  - катнаштардын коргонуу тармагындагы жакын кызматташуусу менен өнүккөндүгүн белгилеген Болат эки өлкөнүн лидеринин  5 миллиард доллар соода көлөмүнө жетүүнү максат кылгандыгын айтты. 

Болат Пакистан менен  күчтүү союздаш болууну түбөлүккө уланта тургандарын баса белгиледи. 

Элчи Жүнейд да түрк өкмөтүнө, калкына жана президент Эрдоганга Пакистандын чыныгы досу жана боордошу катары ар дайым жанында болгондору үчүн ыраазы экендигин айтты.