Жаңы Делиде фейерверкке тыюу салынды

Дүйнөдөгү абасы эң булганган шаарлардын бири Индиянын борбору Нью-Делиде фейерверк чыгарууга, сатууга жана колдонууга тыюу салынды.

«Hindustan Times» гезитинин билдирүүсүнө караганда, Дели штатынын айлана-чөйрөнү коргоо министри Гопал Рай темага байланыштуу билдирүү жасады.

Рай, борбор калаада абанын булганышын көзөмөлдөө максатында 2025-жылдын 1-январына чейин фейерверктердин бардык түрлөрүн өндүрүү, сатуу жана колдонууга тыюу салынганын жарыялады.

Тыюунун так аткарылышын камсыз кылуу үчүн тиешелүү бөлүмдөрдүн биргелешип иш алып барарын билдирген Рай: «Булганууну көзөмөлдөө үчүн баарыбыз биргелешип жоопкерчиликти алышыбыз керек. Эгерде Делинин ар бир тургуну булганууга каршы күрөшүүчү болуп, айлана-чөйрөнү коргоого жетекчилик кылса, биз адамдарды булгануунун коркунучунан сактап кала алабыз»,-деди.