Израиль армиясынын Газада жасаган кол салуулары

Израиль армиясынын Газа тилкесинин түндүгүндөгү эки үйгө жасаган абадан кол салуусунда 8 жаран каза болду.

Газанын түндүгүндө жайгашкан аль-Ахли баптист ооруканасынын булактары : «Израилдин аскердик  учагы Зейтун мааласындагы Рази үй-бүлөсүнүн үйүн бомбалады. Кол салууда каза болгон 6 кишинин сөөгү ооруканага жеткирилди»,- деп айтылды.

Жергиликтүү булактар да Газа шаарынын Тел ел  -  Хава мааласында Израилдин абадан кол салууларына дуушар болгон бир үйдө  палестиналык аялдын кичинекей кызы менен каза болгондугун маалымдады.

Булактар Израиль  аскердик учактары бомбалаган үйлөрдүн урандыларында айрым жоготуулардын болгондугун билдиришти.

Күбөлөрдөн алынган маалыматка караганда Израиль артиллериялык бөлүктөрү Газа шаарынын Зейтун жана Сабра маалаларындагы турак жайларга кол салууларын улантты.

Израиль армиясы Газа шаарын тик учактардан жана деңизден атылган ракеталар менен бутага алды.

Газа тилкесинин борбордук бөлүгүндөгү Аль-Бурайж, аль-Магази жана Нусайрат качкындар лагерлери да түнү менен бомбаланды.

Израиль аскерлери Газа тилкесинин түштүгүндөгү Рефах шаарында да айрым имараттардын жардыруучу заттар менен талкалады.