Эбу Рудейне Нетаньяхунун оккупациядагы Батыш Шериа тууралуу картаны колдонушуна каршылык көрсөттү

Палестина президенттигинин катчысы Небил Эбу Рудейне Израилдин премьер  - министри Беньямин Нетаньяху көрсөткөн карта менен оккупациядагы Батыш Шерианын аннексияланышына байланыштуу ниетин ортого салганын белгиледи.

Палестинанын расмий маалымат агенттиги WAFAнын билдиргенине караганда Эбу Рудейне Нетаньяхунун оккупация астындагы Батыш Шериа тууралуу картаны колдонушуна каршылык көрсөттү.

Эбу Рудейне : «Нетаньяхунун Газа тилкесиндеги Филадельфи коридорунан чыкпай тургандыгы тууралуу сөздөрү менен Батыш Шерианын басып алуучу мамлекетке таандык экенин көрсөткөн картаны колдонуусун айыптайбыз. Бул кабыл алынгыс. Булар коркунучтуу мыйзам бузуулар»,- деди.

Израилдин Газа тилкесиндеги «геноциддик согушунун» да, басып алган Батыш Шериадагы кол салууларынын да бүткүл аймакта туруксуздукка алып келгенин баса белгилеген Эбу Рудейне, Палестина аймактарында болгондордон Израилдин эң чоң колдоочусу болгон АКШ жооптуу деп эсептейт.

Палестинанын аймак жана дүйнө үчүн приоритеттүү маселе экендигин баса белгилеген Эбу Рудейне АКШнын аракетинин «Газадагы кол салууларды токтотуу» эмес, аймакта дагы кеңири согуштун алдын алуу экенин белгиледи.

Эбу Рудейне Израилдин калгандарына каршы Палестина менен бирге араб жана эл аралык мыйзамдуулукка таянган жол картасынын белгилениши керектигине басым жасады.

Израилдин премьер  - министри Нетаньяху 2 -  сентябрда өткөргөн пресс  - жыйынында оккупациядагы Батыш Шерианын «аннексияланган» бир картаны көрсөткөн.