Филиппинде "Яги" бороону сел жана жер көчкүнү алып келди

Филиппиндин түндүгүн таасири астына алган  бороондон кийин болгон сел жана жер көчкүдө 14 киши каза болду.

Филиппинде таасирдүү болгон тропикалык "Яги" бороону аймакта катуу жамгыр, сел жана жер көчкүгө себеп болду.

Жетекчилер бороондон кийин болгон сел жана жер көчкүдөн 14 кишинин каза болгонун билдиришти.

Катуу бороон деңиз жана аба кыймылына да терс таасирин тийгизди.

Аэропорттун жетекчилери аба ырайынын катаал шарттарынан улам айрым ички каттамдардын токтотулганын жарыялашты.

Филиппиндин түндүгүндөгү көптөгөн аймактарда бороон тууралуу эскертүүлөр улантылууда.