Гутерриш Израиль менен Хизбуллахты согуштук аракеттерди токтотууга чакырды

Бириккен Улуттар Уюмунун (БУУ) баш катчысы Антониу Гутерриш Израиль менен Хизбуллахтын ортосундагы чыңалуунун күчөшүнө «терең тынчсызданганын» билдирди жана эки тарапты «согуштук аракеттерди токтотууга» чакырды.

Бириккен Улуттар Уюмунун басма сөз катчысы Стефан Дюжаррик Гутеррештин Израиль менен Хизбуллахтын ортосундагы чыңалуунун күчөшүнө «терең тынчсызданып жатканын» белгилеп, баш катчынын эки тарапты «согуштук аракеттерди тез арада токтотууга» чакырганын билдирди.

Дюжаррик: «Бул кыймыл-аракеттер Ливандын да, Израилдин да элин тобокелге салып, аймактык коопсуздукка жана ырааттуулукка коркунуч туудурат»,- деди.

Израил армиясы «Хизбуллах» өлкөсүн бутага алууну пландап жатканын доомат кылып, Ливанга «алдын ала чабуул» баштаганын жарыялады.

Мунун артынан Хизбуллах 30-июлда Бейрутта жогорку даражалуу командирлеринин бири Фуад Шүкүрдүн өлтүрүлүшүнө жооп иретинде Израилден өч алуу аракетин баштаганын жарыялады.

Хизбуллах жооп иретиндеги чабуулунда Израиль армиясынын чекиттери 320 ракета жана көп сандаган учкучсуз учуучу аппараттар менен бутага алынганын жарыялады.

Израиль армиясы бүгүн эртең менен Ливанга жасалган чабуулдарга 100гө жакын согуштук учак катышканын жана Израилдин борборуна сокку уруу үчүн жайгашкан ракета аткычтардын 40ы жок кылынганын билдирди.