Индонезияда сел: 11 адам каза болду

Индонезиянын чыгышындагы Тернате аралында нөшөрлөгөн жамгырдан улам болгон селден 11 киши каза болду.

Издөө-куткаруу тобунун жооптуулары аралда нөшөрлөп жааган жамгырдын капыстан суу ташкындарына себеп болгонун билдирди.

Бийликтердин айтымында, суу каптаган Руа айылында 11 адам каза болгон.

Ондогон турак-жай жана имараттар жабыркаганын белгилеген бийлик, айылга баруучу негизги жолдун да кыймылга жабылганын билдирди.