Открытка жөнөтүлгөндөн 121 жыл өткөндөн кийин дарекке жетти

Британияда бир открытка, почта аркылуу жөнөтүлгөндөн дээрлик 121 жыл өткөндөн кийин көздөгөн жерине жетти.

Рождество темасындагы открытка 1903-жылы жөнөтүлгөнүнө карабастан, өткөн аптада Суонси Курулуш Коомунун Крадок көчөсүндөгү филиалына жеткирилди.

Открытка "L" деп аталган адамга багытталган жана аны Эварт аттуу адам жазган.

Кызматкерлер открытканын даректелген Лидия Дэвистин туугандарын таап, аларга тарыхый открытканы тапшырууну үмүт кылышууда.

Суонси Курулуш Коомунун маркетинг жана коммуникация боюнча адиси Генри Дарби каттарды иргеп жатып открытканы таап алганын жана алуучусу тууралуу маалыматтын чектелүү экенин айтты.