Гутерреш Африканын БУУнун Коопсуздук кеңешинде туруктуу өкүл болбошу кабыл алынгыс экендигин айтты

БУУнун баш катчысы Антонио Гутерреш Африканын глобалдык тынчтык жана коопсуздуктагы ролунун маанисин баса белгилеп БУУнун Коопсуздук кеңешинде туруктуу өкүл болбошу кабыл алынгыс экендигин белгиледи.

Гутерреш БУУнун Коопсуздук кеңешинин сессиясында сүйлөгөн сөзүндө Африканын Кеңештеги өкүлчүлүгүнө байланыштуу билдирүү жасады.

Кеңеште Африка өкүл болгон бир реформага чукул муктаждыктын бар экендигин баса белгилеген Гутерреш : «1945 -  жылдан бери БУУнун Коопсуздук кеңешинин глобалдык тынчтык жана коопсуздуктун негизин түзүүдө бирок пайдубалындагы жаракалар көрбөстүккө салына албай турганчалык чоңдукта»,- деди.

Кеңештин «Экинчи дүйнөлүк согуштун жеңүүчүлөрү тарабынан иштелип чыкканын жана ал мезгилдин күч структураларын чагылдырганын» белгилеген Гутерреш 1945 - жылдан бери дүйнөнүн олуттуу түрдө өзгөргөнүн жана Кеңештин түзүмүнүн буга «жете албаганын» айтты.

1945 - жылы азыркы Африка өлкөлөрүнүн көпчүлүгүнүн колониялык башкарууда болгонун жана эл аралык маселелерде сөз ээси болбогондугун эске салган Гутерреш :  «1 миллиарддан ашуун калкы бар Африка континентинин  туруктуу өкүлчүлүгүнүн жоктугун кабыл ала албайбыз»,- деди.

Африканын глобалдык тынчтык жана коопсуздуктагы ролунун маанисин баса белгилеген Гутерреш : «Африка Коопсуздук Кеңешинен эл аралык каржы уюмдарына чейин глобалдык башкаруу түзүмдөрүндө өкүлчүлүгүнүн болбошу жана бул структуралар карап чыгуу үчүн долбоорлонгон кыйынчылыктарда ашыгы менен өкүлчүлүккө ээ»,-деди.