Израилге каттамдар токтотулуп, жүргүнчүлөр азап тартууда...

Израилге каттамдарын токтоткон чет элдик авиакомпаниялардын саны 20га жетти.

Израилде 12-каналдын кабарында Жакынкы Чыгышта күчөгөн коопсуздук чыңалуусунан улам Израилге жана Израилден каттамдарын токтоткон чет элдик авиакомпаниялардын санынын көбөйгөнүн, мурда каттамдарын токтоткон фирмалардын бул мөөнөттөрдү узартканы белгиленди.

Кайтуу учуусу болбогондуктан өлкө тышында калган Израиль жарандарынын санынын 150 миңдин тегерегинде экени белгиленди.

Кабарда Ирландиянын авиакомпаниясы Ryanair 8-августка чейин, Испанияда жайгашкан Air Europa жана Болгарияда жайгашкан Bulgaria Air 9-августка чейин, Италиянын желек ташуучу авиакомпаниясы ITA жана Хорватияда жайгашкан Croatia Airlines 10-августка чейин  Израилге каттамдарын токтотту.

Латвияда жайгашкан AirBaltic, Индияда жайгашкан AirIndia жана Испанияда жайгашкан Iberia Express Израилге каттамдарын 11-августка чейин, Польшанын улуттук LOT авиакомпаниясы 12-августка чейин Израилге каттамдарын токтоткону айтылды.

Румынияда жайгашкан Tarom авиакомпаниясы, Германиянын Lufthansa авиакомпаниясы, Швециянын эл аралык авиакомпаниясы (Swiss), Австриянын улуттук авиакомпаниясы Austrian Airlines, Brussels Airlines жана Германиянын Eurowings авиакомпаниялары да Израилге 13-августка чейин каттамдарын токтоткон.

Грецияда жайгашкан Aegean Airlines 14-августка чейин Израилге эки тараптуу каттамдарды аткарбай турганы, Америка Кошмо Штаттарынын (АКШ) Delta Airlines компаниясынын 31-августка чейин Израилге эки тараптуу каттамдарын аткарбай турганы жана Улуу Британияда жайгашкан EasyJetтин 2025-жылдын 29-мартына чейин Израилге эки тараптуу каттамдарын аткарбай турганы айтылды.

АКШда жайгашкан United Airlines жана Испанияда жайгашкан Vueling Airlines да Израилге каттамдарын кийинки эскертүүгө чейин токтоткону кабарланды.

Израиль армиясынын 30-июлда Ливанга кол салуусунда Хизбуллах кыймылынын жогорку даражалуу командирлеринин бири Фуад Шүкүрдүн өлтүрүлүшү жана 31-июлда Ирандын борбору Тегеранда Хамастын саясий бюросунун башчысы Исмаил Ханиенин өлтүрүлүшү чөлкөмдөгү чыр-чатактын күчөйт деген пикирлерин жаратууда.