Даниянын тышкы иштер министри: "Түркия үчүн чоң дипломатиялык жеңиш"
Расмуссен басма сөзгө жасаган билдирүүсүндө, өткөн жумада борбор шаар Анкарада MİT башкарган туткун алмашуу операциясына баа берди.
Даниянын тышкы иштер министри Ларс Локке Расмуссен Улуттук чалгындоо уюму (MİT) тарабынан жүргүзүлгөн алмаштыруу операциясынын «Түркия үчүн чоң дипломатиялык жеңиш» болгонун айтты.
Расмуссен басма сөзгө жасаган билдирүүсүндө, өткөн жумада борбор шаар Анкарада MİT башкарган туткун алмашуу операциясына баа берди.
«Түркия үчүн чоң дипломатиялык жеңиш» деп мүнөздөгөн операциянын Беларусь жана Орусиядан чыгарылган 16 киши үчүн да жакшы жагдай болгонун белгилеген Расмуссен Түркиянын дипломатиялык ийгилигин куттуктады.
Расмуссен ошондой эле алмашуу операциясында Орусияга жөнөтүлгөндөрдүн саны бул өлкөдөн келгендерден аз болгондугуна ыраазычылыгын билдирди.
MİT АКШ, Германия, Польша, Словения, Норвегия, Орусия жана Беларустун түрмөлөрүндөгү 26 кишинин өз ара алмашуусун камтыган акыркы мезгилдердин эң кеңири алмашуу операциясын ишке ашырган.
Операцияда алмаштырылгандардын арасында The Wall Street Journal журналынын кабарчысы Эван Гершкович, америкалык мурдагы деңиз аскери Пол Уилан, немис жалданма аскер Рико Кригер, орусиялык оппозициячыл Илья Яшин жана Орусиянын Федералдык коопсуздук кызматынын офицери Вадим Красиков бар эле.
