Газада каза болгондордун саны 39 миң 550гө жетти

Израиль армиясынын 2023 - жылдын 7 - октябрынан бери Газа тилкесинде жасаган кол салууларында каза болгондордун саны 39 миң 550гө жетти.

Газадагы Палестинанын саламаттыкты сактоо министрлигинин  билдирүүсүндө Израилдин Газа тилкесине 302 күндөн бери кол салуулары тууралуу маалымат берилди.

Билдирүүдө Израиль армиясынын акыркы 24 саатта Газанын ар кайсы жерлерине жасаган кол салууларында 3 кыргындын жасалганы, кол салууларда дагы 31 палестиналыктын каза болгондугу, 62 палестиналыктын жараланганы белгиленди.

Ошондой эле  Израилдин 7 - октябрдан бери Газа тилкесине жасаган кол салууларында каза болгондордун саны 39 миң 550гө, жаралуулардын саны 91 миң 280ге жеткендиги маалымдалды.