Ливандан Израилге ракета атылды
Кол салуу тууралуу кенен маалымат берилбестен социалдык медиада Желиленин батышындагы бир аймакта Израилге таандык абадан коргонуу системаларынын активдүү абалга келгендигин көрсөткөн көрүнүштөр бөлүшүлдү.
Ливан жеринен кечээ кечинде 48 сааттан кийин биринчи жолу ракеталар атылып, Израилдин түндүгүндө сиреналар кагылды.
Израиль армиясынан берилген маалыматта өлкөнүн түндүгүндөгү айрым аймактарда атылган ракеталардан улам сиреналардын кагылгандыгы белгиленди.
Кол салуу тууралуу кенен маалымат берилбестен социалдык медиада Желиленин батышындагы бир аймакта Израилге таандык абадан коргонуу системаларынын активдүү абалга келгендигин көрсөткөн көрүнүштөр бөлүшүлдү.
Аймакта абадан коргонуу системасынын ракеталарды жок кылуу учурунда жарылуу үндөрү угулуп, расмий мекемелерден каза болгондор жана чыгымдар тууралуу маалымат берилген жок.
Бир тараптан Хизбуллах расмий Телеграм эсебинен маалымат берип, кол салуунун жоопкерчилигин моюнга алды.
Билдирүүдө Израилдин Ливандын түштүгүндөгү Шемаа аймагына буга чейин да жасаган кол салууга жооп катары ондогон катюша ракетасынын атылгандыгы билдирилди.
Ливан басма сөзү Израиль армиясынын Ливандын түштүгүндөгү Рамя жана Айта еш - Шааб аймактарына артиллериялык кол салуу жасагандыгын жазды.
Ливандын расмий маалымат агенттиги ННА Израиль армиясынын учактарынын түштөн кийин Ливандын чек арасында жайгашкан Шемаа шаарындагы бир үйдү бутага алгандыгын маалымдаган.
Ливандын саламаттыкты сактоо министрлигинен берилген маалыматта кол салууда 4 сириялык жарандын каза болгону, 5 ливандык жарандын жаралангандыгы билдирилген.
