Сириянын Убактылуу өкмөтү тарабынан окуяларга байланыштуу жасалган билдирүү

Сириянын Убактылуу өкмөтү Түркиянын желегине каршы аракеттерди чечкиндүү түрдө четке какканын билдирип, «Бошотулган аймактарда жашаган эл Түрк армиясы жана Сирия улуттук күчтөрүнүн аракеттери менен курулган мүлк жана мекемелерге кол салуу чакырыктарына баш ийбөөгө» чакырды.

Сириянын Убактылуу өкмөтү тарабынан жасалган билдирүүдө тарых жана география түрктөр менен арабдардын ортосунда кылымдар бою болгон бир туугандыктын күбөсү экени белгиленди.

Билдирүүдө аймак башынан өткөргөн бардык кыйынчылыктарга карабастан, бул боордоштуктун кылымдар бою улана тургандыгы, бул эки элдин тагдырынын жалпы талабы экени баса белгиленип, төмөндөгү сөздөр айтылды:«Сириянын Убактылуу өкмөтү Түркиядагы жана бардык баш калкалоочу өлкөлөрдөгү сириялыктарды коргоонун зарылдыгын баса белгилейт жана Түркиянын Ички иштер министрлигинин агрессорлорго каршы мыйзамдуу кадамдарын жогору баалайт.

Сириянын Убактылуу өкмөтү бошотулган аймактарда жашаган элибизди Түркия менен Сириянын ортосундагы азыркы союзду бузууга жана Түрк армиясы менен Сирия улуттук күчтөрүнүн аракеттери менен курулган мүлктөр менен мекемелерге кол салууга багытталган чагымчыл чакырыктарга баш ийбөөгө чакырат. Сириянын Убактылуу өкмөтү бул окуялардын төңкөрүш душмандары тарабынан Түркия-Сирия карым-катнаштарына доо кетирүү жана Сирия жерлерин террордон куткарууда Сирия калкы менен кызматташкан түрк боордошторду бутага алуу үчүн колдонулушу коркунучун баса белгилейт»,-деп айтылып, эл «боштондукка чыккан райондордо коопсуздукту начарлатпоо учун сабырдуу болууга жана алардын төңкөрүштөрүнүн байлыктарын коргоого» чакырылды.

Билдирүүдө президент Режеп Таййип Эрдогандын кечээки сөздөрүнө токтолуп, Кайсериде болгон окуялардын эч кандай түрдө кабыл алынбай турганы жана бул кайгылуу окуялардын бир туугандыкка көлөкө түшүрүшүнө жол берилбей турганы баса белгиленди.

Мурунку күнү Кайсериде өзүнүн тууганы болгон балага сексуалдык зомбулук көрсөткөн деген жүйө менен кармалган сириялык бир жаран камалып, окуя шаарда нааразылык жараткан.

Андан соң социалдык тармактардагы билдирүүлөр Сирияда түрк жарандарына жана Түркия желегине каршы кол салуулар болгонун айтышты.