Гутерриш Жакынкы Чыгышка чакырыгын кайталады

Бириккен Улуттар Уюмунун (БУУ) баш катчысы Антониу Гутерриш Жакынкы Чыгыштагы чыңалууну басаңдатуу жана сабырдуу болуу чакырыгын кайталап, көңүлдү тынчтыкка бурууну талап кылды.

БУУнун басма сөз катчысы Стефан Дюжаррик күнүмдүк маалымат жыйынында журналисттердин суроолоруна жооп берди.

Гутерриштин Израилдин Иранга кол салууга даярдыгына карата реакциясы тууралуу суроого Дюжаррик: «Башкы катчы, ал мурда ачык айткандай, сабырдуулукка чакырат. Биз жаңы зомбулук чырмоогунун башталышын каалабайбыз. Көзгө көз, тишке тиш сыяктуу саясат тынчтыкка алып келбейт»,-деп эскертти.

Дюжаррик Гуттерештин Ирандын тышкы иштер министри менен сүйлөшкөнүн жана Израилдин президенти жана башка Израилдин расмий өкүлдөрү менен байланышта болгонун белгилеп: «Башкы катчы чыңалууну азайтуу жана сабырдуулукка чакырды. Ал кайрадан Жакынкы Чыгышта тынчтыкка көңүл бурууну талап кылды»,деген маалымат менен бөлүштү.

Израиль 1-апрелде Дамасктагы Ирандын консулдугунун имаратына абадан чабуул жасап, Иран Төңкөрүшчү сакчылары корпусунан 7 киши, анын ичинде 2 генерал набыт болгон.

Иран Израилдин консулдугуна кол салуу анын өлкө аймагына кол салуу экенин жана алар жооп кайтара турганын жарыялаган болчу. Израиль дагы Ирандын чабуулдарына жооп берерин билдирген болчу.

Иран 13-апрелде жүздөгөн камикадзе учкучсуз учуучу аппараттар, баллистикалык жана канаттуу ракеталар менен Израилге чабуул койгон.

Иран кээ бир буталарга сокку урулганын, Израиль болсо чабуулдардын көбүн абадан коргонуу системалары менен алдын алганын, бирок өлкөнүн түштүгүндөгү аскердик базага ракета тийгенин билдирген.

Израилдин басма сөзү Тель-Авивдин администрациясы Ирандын абадан чабуулуна «ачык жана эффективдүү» жооп кайтарууну чечкенин ырастады.