ДССУ: «Газадагы Насер ооруканасы мындан ары кызмат көрсөтө албайт»
Бул тууралуу Дүйнөлүк Саламаттыкты сактоо Уюмунун (ДССУ) башкы директору Тедрос Адханом Гебреисус X социалдык медиа платформасынан билдирди.
Дүйнөлүк Саламаттыкты сактоо Уюмунун (ДССУ) башкы директору Тедрос Адханом Гебреисус Газанын түштүгүндөгү Хан Юнус шаарында бир канча убакыттан бери Израиль аскерлеринин курчоосунда калган Насер ооруканасынын мындан ары кызмат көрсөтө албастыгын билдирди.
Гебреисус X социалдык медиа платформасындагы билдирүүсүндө, кечээ жана бир күн мурун ДССУнун командасы жана анын өнөктөштөрү күйүүчү май таратуу үчүн оорукананын кампусуна жеткенин, бирок бейтаптардын абалын жана оор медициналык муктаждыктарын баалоо үчүн ооруканага кирүүгө уруксат берилбегенин айтты.
«Насер ооруканасы тинтүү жана бир жумадан бери жүрүп жаткан курчоодон кийин эми кызмат көрсөтө албайт»,-деп айткан Гебреисус ооруканада дагы эле 200гө жакын бейтап бар экенин жана алардын кеминде 20сы медициналык жардам алуу үчүн тез арада башка ооруканаларга которулушу керектигин баса белгиледи.
Гебреисус көчүрүүдөгү ар кандай кечигүүлөр үчүн бейтаптар өз өмүрү менен чыгым төлөй турганын баса белгилеп, бейтаптарга жана ооруканага жетүүнүн жеңилдетилиши керектигин баса белгиледи.
