Кытайдын тышкы иштер министри глобалдык кызматташтыкка жана көп тараптуулукка чакырды

Кытайдын тышкы иштер министри Ванг Йи бөлүнүү жана тирешүү коркунучуна каршы глобалдык кызматташтыкты жана көп тараптуулукту өнүктүрүүгө чакырды.

Мамлекеттик департаменттин билдирүүсүнө караганда, Ванг АКШнын борбор шаары Вашингтондо Чыгыш-Батыш борборунун аналитикалык борбору тарабынан онлайн түрдө уюштурулган «Глобалдык Таун Холл 2023» форумунда сөз сүйлөдү.

Дүйнө кылымда бир жолу көрүлгөн ылдам өзгөрүүлөрдөн өтүп жатканын белгилеген Ванг, «бөлүнүү жана карама-каршылык коркунучу менен бирге биримдик жана кызматташтык мүмкүнчүлүктөрү бар» экенин белгилеп, бардык өлкөлөрдү «чыныгы көп тараптуулукту» кармануу менен «кызматташтыкты өнүктүрүүгө» жана «глобалдык башкарууну жакшыртууга» чакырды.

Азиянын өнүгүүсү жана тирилүүсү колдоого алынышы керектигин белгилеген Ванг, ар бир өлкөнүн ачык регионализм түшүнүгүнө катышуусу керектигин баса белгиледи.

Аймак өлкөлөрүнүн биргелешкен жана ар тараптуу кызматташтыкка жана туруктуу коопсуздук көз карашына муктаж экенин баса белгилеген Ванг : «Аймактык эмес кээ бир күчтөрдүн Түштүк Кытай деңизиндеги тынчтыкты бузуу аракети ийгиликсиздикке учурайт»,-деди.

Түштүк Кытай деңизине жээктеш өлкөлөр Экинчи дүйнөлүк согуштан кийин эгемендүүлүккө ээ болгондон бери эгемендик талаштардын предмети болуп келген.

Кытай биринчи жолу 1947-жылы жарыялаган картасы менен Түштүк Кытай деңизинин 80 пайызынын эгемендигин ырастайт. Филиппин, Вьетнам, Бруней жана Малайзия өңдүү жээктеш коңшу өлкөлөр да аймакта укуктарынын болгонун доомат кылышууда.

Кытайдын талаштуу аралдарга аскерий база куруусуна жана жарандык кемелерден турган флоттун узак мөөнөткө кармап туруусуна региондогу өлкөлөр менен катар АКШ да каршы чыгууда.