Россия Малиге каршы санкцияларды узартуу боюнча мыйзам долбооруна вето койду

Россия  Бириккен Улуттар Уюмунда  Малиге каршы санкция режимин дагы бир жылга узартуу боюнча чечим   долбооруна вето койду.

Малиге каршы санкция режими жана Эксперттик комиссиянын ыйгарым укуктарынын узартылышы жөнүндөгү чечим долбоору БУУнун Коопсуздук Кеңешинде  добушка коюлду.

Франция жана Бириккен Араб Эмирликтери тарабынан сунушталган мыйзам долбоорунда Малиге каршы активдерди тоңдуруу жана саякатка чектөөлөрдү киргизүүнү камтыган санкциялардын 2024 - жылдын 31 - августуна чейин, Эксперттер тобунун ыйгарым укуктарынын 2023 -  жылдын 30-сентябрына  чейин узартылышы каралып жаткан.

БУУнун Коопсуздук кеңешинин туруктуу мүчөсү Россия мыйзам долбооруна вето койду.

Россиянын БУУдагы туруктуу өкүлү Василий Небензия мыйзам долбоорунда Мали менен Россиянын “тынчсызданууларына” көңүл бурулбаганын ырастады.

Малинин тышкы иштер министри Абдулайе Диоп 16 - июндагы БУУнун Коопсуздук кеңешинин отурумунда  БУУнун Малинин көп өлчөмдүү комплекстүү стабилдештирүү миссиясынын «кечиктирбестен» өлкөдөн чыгып кетишин талап кылган.

БУУнун Коопсуздук кеңеши 2017 - жылы Малиге каршы санкция режимин киргизе баштаган.