Гутерриш: «2030-жылга чейин туруктуу өнүгүү максаттарынын күн тартибинен четтөө бар»

Бириккен Улуттар Уюмунун (GM) баш катчысы Антониу Гутерриш 2030-жылга чейин туруктуу өнүгүү максаттарынын күн тартибинде «четтөө» болгонун айтты.

БУУнун Нью-Йорктогу башкы кеңсесинде Туруктуу өнүгүү үчүн жогорку деңгээлдеги саясий форумда сүйлөгөн сөзүндө Гутерриш: «2015-жылы өлкөлөр бир добуштан 2030-жылга чейин Туруктуу Өнүгүү Күн тартибин, тынчтыктын, гүлдөп-өнүгүүнүн жана бардыгы үчүн кадыр-барктын дүйнөсүн алдыга жылдыруу боюнча иш-аракеттердин планын кабыл алышты. Бүгүнкү күндө бул убада коркунуч алдында турат»,-деди.

2030-жылга чейин 7 жылдан азыраак убакыт калганда Гутерриш бул максаттардан «четтөө болгонун» жана прогресстин «жетишсиз» экенин баса белгиледи.

БУУнун баш катчысы буталардын үчтөн бирине жакыны токтоп калганына же артка кеткенине, ачарчылык, гендердик теңсиздик жана эмиссия көрсөткүчтөрүндөгү учурдагы абалдын начар экенине көңүл бурду.

Антонио Гутерриш азыркы прогресс менен 2030-жылга чейин «600 миллионго жакын адам дагы эле өтө жакырчылыкта кала берет» деген божомолу менен бөлүштү.

Жаңы типтеги коронавирус (Ковид-19) эпидемиясы, кагылыштардын жайылышы жана Украина менен Орусиянын ортосундагы согуш сыяктуу факторлордун 2030-жылдагы максаттарына терс таасирин тийгизгенин белгилеген Гутерриш: «Бирок ачык айталы: дүйнөбүз бул көтөрүлүштөрдөн алда канча мурда адашкан болчу»,-деди.

Көптөгөн өлкөнүн башынан өткөргөн каржылык кыйынчылыктарга токтолгон БУУнун баш катчысы Гутерриш G20га мүчө өлкөлөргө кайрылып, өнүгүп келе жаткан экономикаларга чукул жардам көрсөтүү үчүн дароо кыймылдай алышы керектигин айтты.

Башкы катчы туруктуу өнүгүүгө жана климаттык аракеттерге инвестициялар үчүн 500 миллиард долларлык жыл сайын стимул пакетин сунуштады.