Сингапурдун премьер-министринин Ковид-19 тестти кайрадан оң чыкты
Фейсбуктагы билдирүүсүндө Ли оң чыккан Ковид-19 тесттинин фотосүрөтүн бөлүштү.
Сингапурдун премьер-министри Ли Сянь Лундун коронавирус (Ковид-19) тестти эки жумадан кийин кайрадан оң чыкты.
Ли Фейсбуктагы билдирүүсүндө оң чыккан Ковид-19 тесттинин фотосүрөтүн бөлүштү.
Билдирүүсүндө өзүн жакшы сезгенин белгилеген Ли, дарыгерлердин Ковид-19дун көп өтпөй кайталанганын жана мунун ооруга мурда чалдыккандардын 5-10 пайызында байкалганын айтты.
Ли вирустун дагы деле жугуштуу болуу ыктымалына каршы өзүн-өзү изоляциялоо сунушталганын айтты.
Сингапурдун премьер-министри Австралиянын премьер-министри Энтони Албанес менен эртеңки эки тараптуу жолугушууга катыша албайт.
Албанес Твиттердеги баракчасынан, Лиге телефон чалып жакшы каалоо-тилектерин айтканын жана Линин ордуна анын орун басары Лоуренс Вонг менен жолугушууну чыдамсыздык менен күтүп жатканын билдирди.
Ли 22-майда Африка жана Азияга саякаттап, өлкөсүнө кайтып келгенден кийинки Ковид-19 тестинин оң чыкканын кабарлаган.
Ноябрда акыркы Ковид-19 вакцинасын алганын айткан Ли, сингапурдуктарды ооруну жеңил өткөрүүлөрү үчүн үзгүлтүксүз эмделүүгө чакырган.