Кытай биринчи жолу космоско жарандык тайконавт тобун жөнөтөт

Кытай Жер орбитасында орноткон Тиенгонг (асман сарайы) космос станциясына уюштура турган жаңы экспедициясында биринчи жолу жарандык тайконавтты космоско жөнөтөт.

Кытайдын Космос программасы боюнча агенттиги (CMSA), эртең Шинкоу-16 кемеси менен космос станциясына жөнөтүлө турган жаңы тайконавт тобун тааныштырды.

Космос станциясына бешинчи адам башкарган экспедицияга тайконавттар Цин Хейпин, Цу Янгку жана Гуи Хайчаонун катышары кабарланды.

Пекин аэронавтика жана астронавтика университети деп аталган Бейханг университетинин аэрокосмостук инженерия боюнча профессору Гуи Кытай тарабынан космоско жөнөтүлгөн биринчи жаран болот.

Экспедициянын командирлигин аткара турган Цинг, мурда Шинкоу-7, Шинкоу-9 жана Шинкоу-11 кызматтарына катышкан тажрыйбалуу ысым катары белгилүү.

Командадагы берки аскер Cu болсо өзүнүн биринчи космостук экспедициясында бортинженердин жана оператордун милдетин алат.

Тайконавттарды космос станциясына жеткире турган Шинкоу-16 кемеси эртең Long March 2F ракетасы менен Гоби чөлүндөгү Ciuçuen спутник борборунан учурулат.