Иран менен Ирактын ортосунда мунай жана жаратылыш газ боюнча келишимге кол коюлду

Иран менен Ирактын ортосунда биргелешкен мунай жана газ кендерин иштетүү боюнча келишимге кол коюлду.

Багдадга барган Ирандын мунай министри Жавад Овжи Ирандын мамлекеттик телеканалына бул тууралуу маалымат берди.

Ирандын министри Ирак менен энергетика тармагында кызматташууну караган меморандумга кол коюлганын билдирди.

Биргелешкен мунай жана газ кендерин иштетүү боюнча келишим түзүлгөнүн  белгилеген Овжи : "Газ жана мунай куурларын куруу жана Ирактын мунай иштетүүчү заводдорун кайра куруу жана модернизациялоо да эки тараптын ортосунда түзүлгөн келишимдин бир бөлүгү болуп саналат», - деди.