Германияда ПКК тарапкерлеринин демонстрациялары түрк жарандарын тынчсыздандырууда

Террордук уюм ПККнын жактоочулары Германиянын ар кайсы шаарларында түрк консулдуктарынын алдында демонстрация өткөрүүдө.

Германия мамлекетинин демонстрацияларга уруксат берүүсү Түркияда 14-майда боло турган шайлоо үчүн консулдукка кайрылуу жасаган түрк жарандарын тынчсыздандырууда.

Германиянын көптөгөн шаарында болгон сыяктуу ПККнын бир топ жактоочулары Түркиянын Кельн шаарындагы башкы консулдугунун алдына чогулушту.

Германия мамлекетинин демонстрацияга уруксат бериши шаарда жашаган түрк жарандарынын каршы чыгуусуна себепкер болду.

Демонстрация Түркияда өтө турган шайлоого «кыйыр кийлигишүү» катары чечмеленди.

Чет өлкөдөгү түрк жарандары 14-майга белгиленген шайлоо үчүн даректерин 2-апрелге чейин мүчө болгон башкы консулдуктарга тапшырышы керек.

Чет өлкөдө жүргөн жарандардын көбү жуманын ортосунда иштегендиктен, дем алыш күндөрү консулдуктарга бара алышат.

Консулдуктардын алдындагы демонстрациялардан улам түрк жарандары кызмат ала албай, даректерин билдире албай кайтууга аргасыз болууда.