Түндүк Кореянын өзөктүк контрчабуулга машыгуусу
Йонхап агенттигинин маалыматына ылайык, Түндүк Кореянын расмий Борбордук маалымат агенттиги (KCNA) Түштүк Кореянын АКШ менен биргелешкен «согуш» машыгуусу учурунда өткөргөн ядролук контрчабуул машыгуусунун үч бөлүктөн турганын билдирди.
Түндүк Корея өзөктүк контрчабуулга машыгуу өткөрөрүн жарыялады.
Йонхап агенттигинин маалыматына ылайык, Түндүк Кореянын расмий Борбордук маалымат агенттиги (KCNA) Түштүк Кореянын АКШ менен биргелешкен «согуш» машыгуусу учурунда өткөргөн ядролук контрчабуул машыгуусунун үч бөлүктөн турганын билдирди.
Булар ядролук чабуулду көзөмөлдөө системасын башкаруу, өзөктүк контрчабуул абалына өтүү жана ядролук дүрмөт модели менен баллистикалык ракетаны учуруу экени айтылды.
Түндүк Кореянын кечээ Тунгчан-ри аймагынан учурган баллистикалык ракетасынын өзөктүк дүрмөт үлгүсүн ташыганы белгиленди.
Жапон деңизине түшкөн ракета максаттуу түрдө деңизден 800 метр бийиктикте турганда белгисиз «душмандын негизги бутасы» катары аныкталган чекитте жардырылып, сыноо ийгиликтүү өткөнү баса белгиленди.
Ракеталык сыноонун ядролук контрчабуул машыгууларынын акыркы этабы экени белгиленди.
Машыгуунун Түндүк Кореяга каршы ачыктан ачык согуш баштоо аракетин жашырбаган АКШ менен Түштүк Кореяга «катуу эскертүү» болгону кабарланды. Түндүк Кореянын «душмандарынын» агрессивдүү аракеттери мурда болуп көрбөгөндөй даана байкалып жаткандыгы баса белгиленди.
Мамлекеттик маалымат каражаттары тараткан сүрөттөрдө Түндүк Кореянын лидери Ким Чен Ын жана анын кызы Ким Жу Аэ ракета учурууну көзөмөлдөп жатышканын көрүүгө болот.
Түндүк Кореянын лидери Ким өзөктүк державалардын согушка даяр болушу үчүн аткарылышы керек болгон стратегиялык милдеттер бар экенин белгилеп, бирок стратегиялык милдеттердин мазмуну тууралуу кеңири маалымат берген жок.
Түштүк Корея менен АКШ 14-мартта баштаган «Эркиндик калканы» машыгуусу уланса, Түндүк Корея 15, 16 жана 19-мартта ракета сыноолорун өткөрдү.
Пхеньян администрациясы айдын башынан бери 5, жыл башынан бери 20дай ракетасын сынады.
