Нетаньяхуга котормочу шоку

Израилдин премьер-министри Биньямин Нетаньяхунун италиялык байланыштары учурунда котормосун талап кылган израилдик котормочу Ольга Далиа Падуа бул өтүнүчтү четке какты.

Падуа социалдык медиа эсебинен : «Нетаньяхунун Италияга жасаган сапары учурунда менден котормочу болуу талап кылынды, көпкө ойлонгондон кийин бул өтүнүчтү четке кагууну чечтим»,-деп билдирүү жасады.

Падуа Нетаньяхунун басма сөз кызматына жасаган билдирүүсүндө: «Мен Нетаньяхунун саясий көз караштары менен макул эмесмин, ошондой эле анын жетекчилигин Израиль мамлекетиндеги демократиянын эң коркунучтуу лидерлиги катары көрөм»,- деди.

Бул боюнча Нетаньяхудан эч кандай комментарий болгон жок.

Израилдин премьер-министри Биньямин Нетаньяху бейшемби күнү расмий сапарынын алкагында Италияга барып, дем алыш күндөрүн бул өлкөдө өткөрүшү пландалууда.

Израилдин юстиция министри Ярив Левин 5-январда Жогорку Соттун ыйгарым укуктарын чектеген жана соттордун судьяларды тандоодогу таасирин азайткан мыйзамды пландап жатышканын билдирди.

Нетаньяху премьер-министрлик кылган коалициялык өкмөттүн сот бийлигинин айрым ыйгарым укуктарын парламентке өткөрүп берүү кадамдары өкмөт менен Израилдин сот механизми, өзгөчө Жогорку Соттун ортосунда тирешүүлөрдү жаратты.

Өлкөдө 9 жумадан бери ар ишемби күнү Нетаньяху өкмөтүнүн соттук жөнгө салуу жана оңчул саясаттарына каршы массалык демонстрациялар өткөрүлдү.

Бейшемби күнү өлкө боюнча жолдорду жабуу жана поезд каттамдарын токтотуу сыяктуу күнүмдүк жашоону буза турган «жарандык баш ийбөөчүлүк акцияларына» чакырыктар болуп жатат.